बर्दियामा प्रदर्शनकारीको आक्रमणबाट प्रहरी हबल्दारको मृत्यु
१८ भदौ, गुलरिया । बर्दियाको मैनापोखर बजारमा प्रदर्शनकारीको आक्रमणमा परेका प्रहरी हबल्दार देबबहादुर पाण्डेको उपचारको क्रममा मृत्यु भएको छ । बर्दियाको गुलरिया-नेपालगञ्ज सडकखन्ड अन्तर्गत मैनापोखर बजार नजिकै प्रहरी हबल्दार पाण्डेमाथि आक्रमण भएको थियो ।
उनको उपचारको क्रममा कोहलपुर मेडिकल कलेजमा मृत्यु भएको बर्दियाका सहायक प्रमुख जिल्ला अधिकारी श्रीनाथ पौडेलले अनलाइनखबरलाई जानकारी दिए । उनले भने, ‘धारिलो हतियार प्रहार भएको थियो अत्यधिक रक्तश्रावले मृत्यु भयो ।’
यसअघि गत सात गते कैलालीको टीकापुरमा प्रदर्शनकारीसँग झडप हुँदा एक एसएसपीसहित ९ जनाको मृत्यु भएको थियो ।
प्रहरीले स्कोटिङ गरेर बर्दिया तर्फ लैजाँदै गरेको बसलाई शुक्रबार विहान प्रदर्शनकारीहरुले रोकेपछि मैनापोखरमा झडप भएको थियो । घरेलु हतियारसहित प्रदर्शनमा उत्रिएको समूहसँग झडप भएपछि आत्मरक्षाका लागि प्रहरीको तर्फबाट चार-पाँच राउण्ड हवाइ फायर भएको बर्दियाका प्रमुख जिल्ला अधिकारी विनोदबहादुर कुँवरले पुष्टि गरे । बन्दकर्ताले इलाका प्रहरी कार्यालय मैनापोखरमा ढुंगामुढासमेत गरेका थिए ।
कसरी भयो झडप ?
शुक्रबार विहान काठमाडौंबाट बर्दिया सदरमुकाम गुलरिया तर्फ आइरहेका रात्री बसहरुलाई आन्दोलनकारीहरुले मैनापोखरमा रोकेका थिए । प्रहरीले स्कोटिड गरी गाडी गुलरिया लैजान खोज्दा विवाद भयो । त्यही क्रममा आन्दोलनकारीहरुले प्रहरी माथि घरेलु हतियार र ढुंगा प्रहार गरेपछि स्थिति तनावपूर्ण भयो ।
एक व्यक्तिले पाण्डेलाई भाला प्रहार गरे । उनी भुइँमा लडे । त्यसपछि प्रहरीले आत्मरक्षाका लागि हवाइ फायर गरेको थियो । झडपमा आन्दोलनकारी तर्फ पनि केही घाइते भएको बताइको छ । तर एकीन विवरण प्राप्त हुन सकेको छैन ।
थप फोर्स परिचालन, एकजना पक्राऊ
अहिले सो क्षेत्रमा नेपाल प्रहरी र सशस्त्र प्रहरीका प्रहरी उपरिक्षकलाई पठाइएको प्रमुख जिल्ला अधिकारी कुँवरले बताए । अहिले अवस्था सामान्य रहेको र आन्दोलनकारीहरु तितरवितर भएको उनले जानकारी दिए ।
यसैबीच बर्दियाको बासगढी नगरपालिका ८ खानेपानी चोकमा पार्किड गरी राखिएको से ४ प २३० नम्वरको मोटरसाइकलमा विहीबार आगजनी गरेको आरोपमा सुशीलदत्त थारु (सुरेस)लाई पक्राउ गरेको जिल्ला प्रहरी कार्यालय बर्दियाका प्रहरी उपरिक्षक गोविन्दराम परियारले जानकारी दिए ।
-दीपक शर्माको सहयोगमा
अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुक र ट्वीटरमार्फत् पनि जोडिन सक्नुहुन्छ ।
यसमा जनमानस सचेत बनौ र मधेशका सामन्तिहरुका सन्तानलाइ स्वार्थ र सत्ताको आन्दोलनमा बली चढाउन भनौ……… कोही आमा ५० लाख त के ५० करोडमा नि आफ्नो काख रित्याउन तयार हुँदैनन र हुने छैनन ……… यिनिहरु सामाजिक सदभाव भडकाउन खरिद बिक्री भएका देशद्रोही हुन यिनिहरुलाई कानुनी कठघरामा ल्याउनैपर्छ,……!
संघियता नेपाल-भारतको जङ्गे पिल्लर होइन, यसलाई विकसित र परिमार्जन गर्दै लैजाने हो कुनै पनि उत्पिडन, शोसण, दमन, असमानता आदिको मुक्ती जातबाट हुँदैन त्यो समुदायको वर्गबाट हुनुपर्छ । जातको कुरा भनेको सम्बन्धित समुदायको हुनेखानेको भोलिको राज हो तसर्थ यहाँ वास्तविकता बुझौ र संबिधान निर्माणलाई सार्थक बनाएर सम्रिद्दिको बाटोका अप्ठयाराहरुलाई परिमार्जन गर्दै लैजानु आवश्यक छ ।
कर्फु लगा
अनी हेरम त को आउदो रहेछ
आन्दोलन गर्न